Coco Chanel

Gabrielle Bonheur, Coco Chanel izenaz ezagunagoa, moda frantziarreko dama handia izan zen. Jostun gisa, gerruntzetik askatu zuen emakumea, gonak laburtu zituen, eta gizon-ukitua eman zien jantzi askori. Haren estilo sotil, eroso eta dotoreak goitik behera aldatu zuen emakumearen irudia, eta askatasunaren sinbolo bihurtu zen emakume modernoarentzat, zeina nahi duen guztia lortzeko gai baita.